Qytaı elshiligi Qazaqstandaǵy ókpe qabynýyna qatysty teris aqparatyna túzetý engizdi

NUR-SULTAN. QazAqparat - Qytaı elshiligi Qazaqstandaǵy ókpe qabynýyna qatysty teris aqparatyna túzetý engizdi. Bul týraly Ortalyq kommýnıkatsııalar qyzmetindegi brıfıng barysynda QR Syrtqy ister mınıstriniń orynbasary Erjan Ashyqbaev aıtty, dep habarlaıdy QazAqparat tilshisi.

«Biz Qytaı elshiligi taratqan aqparat shyǵa sala elshi myrzamen jańadan taǵaıyndalǵan Densaýlyq saqtaý mınıstri arasyndaǵy telefon suhbatyn uıymdastyrdyq. Barlyq másele boıynsha tıisti aqparat, túsinikteme Qytaı tarapyna jetkizildi. Nátıjesinde elshilik ózi taratqan aqparatqa tıisti ózgerister engizdi», - dedi Erjan Ashyqbaev.