Qytaı eliniń osymen ekinshi turǵyny IPhone qurbanyna aınaldy
BEIJІŃ. 19 shilde. QazAqparat - Iphone-4-ti qýat kózine qospaq bolǵan Qytaı astanasynyń 30 jastaǵy turǵynyn toq soǵyp, saldarynan komaǵa tústi. Osy aıda mundaı jaǵdaı ekinshi ret tirkelip otyr, dep jazady beısenbi kúngi sanynda «Keshki Pekın» gazeti.
Beıjiń qalasynyń turǵyny Ý Tszıaotýn qazir aýrýhanada jatyr, dárigerler onyń jaǵdaıy aýyr dep baǵalaýda. Onyń ápkesiniń aıtýynsha, inisi telefonǵa qýattaý qurylǵysyn qospaq bolǵan kezde edenge sulq túsken. Oqıǵa ornyna jetken dárigerler júregi toqtap qalǵan jigitti ajal aýzynan alyp qaldy.
Qytaılyq jýrnalıster anyqtaǵandaı, onyń qoldanǵan qýattaý qurylǵysy túpnusqa bolmaı shyqqan. Qytaıdaǵy Apple kompanııasynyń ókilderi bul jaǵdaıǵa baılanysty qandaı da bir túsinikteme berýden bas tartty.
Buǵan deıin qytaılyq BAQ habarlaǵandaı, ótken aptada Shyńjańnyń 23 jasar turǵyny áýe jol serigi Ma Aılýn qýattaý symyna qosylyp turǵan telefon qońyraýyna jaýap bermek bolyp, sol jerde jan tapsyrǵan. Oqıǵa oryn alǵan kezde Apple kompanııasy qaza bolǵan qyzdyń týǵandaryna kóńil aıtyp, aldaǵy ýaqytta osy jaǵdaıǵa baılanysty istiń-mán-jaıyn anyqtaý úshin zertteý júrgizemiz dep ýáde berse kerek.
