Qytaı elinen kelgen sálemdemeden jalǵan aqsha jasaıtyn qural-jabdyq tabyldy
ALMATY. Shildeniń 23-i. QazAqparat /Názıra Eleýhan/ - Halyqaralyq poshta jiberý ornynan Qytaı elinen kelgen sálemdemede 100 teńge shyǵaratyn qazaqstandyq qural-jabdyqqa uqsas temir zattar tabyldy, dep habarlaıdy Almaty qalasy boıynsha kedendik baqylaý departamentiniń baspasóz qyzmeti.
Erekshe zattar "Jetisý" kedendik bekettiń jáne Kedendik baqylaý departamentiniń kontrabandamen kúres basqarmasynyń qyzmetkerlerimen anyqtalǵan. Zattar jalǵan aqsha jasaýǵa arnalǵan degen kúdikti rastaý úshin, kontrabandamen kúres basqarmasy sálemdemeni alýshyǵa qatysty jedel izdestirý sharalaryn uıymdastyrǵan. Al tabylǵan zattar QR Ulttyq bankine tekserýge jiberilgen.
Ulttyq banktiń qorytyndysynan keıin, bul zattar jalǵan aqsha jasaýǵa arnalǵan jabdyq ekeni belgili bolǵan.
Qazirgi tańda bul jaǵdaıǵa baılanysty qylmystyq is qozǵalǵan, al istiń qujattary Almaty qalasynyń ekonomıkalyq jáne jemqorlyqpen kúres departamentine tapsyrylǵan.
