Qytaı elinde turatyn qandasymyz, aıtýly aıtys aqyny Erkin Іlııasuly ómirden ozdy
ÚRІMJІ. 29 maýsym. QazAqparat - Qytaı qazaqtarynyń aıtýly aıtys aqyny, arda Altaıdyń daryndy uly Erkin Іlııasuly 28 maýsym kúni jol apatynan dúnıeden ozdy.
Marqum 1965 jyly 23 tamyzda Altaı aımaǵyna qarasty Býyryltoǵaı aýdanynyń Qaramaǵaı aýylynda týylǵan. Qytaı qazaqtarynyń aıtys sahnasyna ózindik daralyqpen kelgen Erkin otty jyr, óreli uıqastarymen qazaqtyń aıtys mádenıetine máıek qosty.
Erkin Іlııasulyna ShUAR-dyń, Іle Qazaq Avtonomııaly oblysynyń, Altaı aımaǵynyń «Qurmetti aqyn» ataǵy berilgen.
Aqynnyń qazasy jaıly Úrimji qalasyndaǵy Shyńjań gazetiniń tilshisi Qalıakbar Úsemqanuly habarlady.
