Qytaı elektr qýatymen ushatyn jańa tikushaq jasap shyǵardy
ASTANA. QazAqparat - Beısenbi kúni Qytaıda jańa elektrotikushaq synaqtan ótkizildi, dep habarlaıdy QazAqparat Sınhýa agenttigine silteme jasap.
Shenıan avıatsııa jáne kosmonavtıka ýnıversıtetinde qurastyrylǵan RX1E-A modeldi tikushaq ekioryndyq. 2 qarasha kúni Shenıan qalasynyń Tsaıhýn aerodromynda ol alǵashqy synaǵynan ótti.
Buǵan deıingi elektromotorly tikushaqpen salystyrǵanda onyń ushý uzaqtyǵy 45 mınýttan 2 saǵatqa deıin uzartyldy. Sondaı-aq onda parashıýt paıda boldy.
Agenttiktiń habarlaýynsha, bul Qytaıdyń jalpy maqsattaǵy elektromotorly avıatsııa salasyndaǵy kezekti serpilisi.
