Qytaı ekonomıkasynyń kórsetkishi tómendedi

BEIJІŃ. QazAqparat – QHR-dyń ishki jalpy ónimi 2020 jyldyń birinshi toqsanynda 6,8%-ǵa tómendegen, dep habarlaıdy QazAqparat tilshisi.

Qytaıdyń memlekettik statıstıka basqarmasynyń (MSB) habarlaýynsha, koronavırýs pandemııasy saldarynan bıylǵy jyldyń birinshi toqsanynda Qytaı ekonomıkasynyń ósýi tómendegen.

Sonymen qatar, ónerkásip sektorynda, bólshek saýda men negizgi kapıtalǵa salynǵan ınvestıtsııalar azaıǵan.

Basqarma málimetinde kórsetilgendeı, ónerkásip óndirisiniń kólemi 13,5%-ǵa tómendegen, bólshek saýda 2020 jyldyń alǵashqy eki aıynda 20,5%-ǵa túsip ketken, negizgi kapıtalǵa salynǵan ınvestıtsııalar 16,1%-ǵa qysqarǵan.

2020 jyldyń birinshi toqsanynyń qorytyndysy boıynsha Qytaıdyń syrtqy saýda aınalymy 6,4%-ǵa azaıǵan.

Jumyssyzdyq deńgeıi – 5,9%.