Qytaı ekonomıkasynyń baıaýlaýy shıkizattyń álemdik baǵasyna, kompanııalarynyń aktsııalaryna áser etýi múmkin
ASTANA. 23 shilde. QazAqparat - Qytaı ekonomıkasynyń baıaýlaýy shıkizattyń álemdik baǵasyna áser etip, shıkizat kompanııalarynyń aktsııalaryna qysym kórsetýi yqtımal.
Búgin Úkimet otyrysynda baıandama jasaǵan Ekonomıka jáne bıýdjettik josparlaý mınıstri Erbolat Dosaev osylaı málimdedi. Mınıstrdiń aıtýynsha, Qazaqstan ekonomıkasy eýro aımaqtaǵy retsessııanyń jalǵasýy, naryǵy qalyptasyp kele jatqan elderdiń álsiz damýy jáne AQSh ekonomıkasynyń barynsha baıaý ósýine baılanysty álemdik ekonomıkanyń baıaý jyljýy jaǵdaıynda damydy. AQSh-taǵy JІÓ birinshi toqsanda 1,8 paıyzdy qurasa, Eýropada JІÓ-niń tómendeýi 1,3 paıyzǵa jetken. «Qytaıdyń jalpy ishki óndirisiniń ósý serpini jyldyń basynan beri 7,1 paıyzdan 7 paıyzǵa deıin qysqardy. Qytaıdaǵy ónerkásip óndirisiniń kólemi maýsym aıynda 8,9 paıyzǵa ósti. Bul mamyr aıyna qaraǵanda 0,3 paıyzǵa tómen kórsetkish. Jalpy Qytaı ekonomıkasynyń baıaýlaýy shıkizattyń álemdik baǵasyna áser etip, shıkizat kompanııalarynyń aktsııalaryna qysym kórseýtýi múmkin»,- dedi E.Dosaev.
