Qytaı ekonomıkany yntalandyrýdyń jańa sharalaryn engizip otyr
ASTANA. 25 shilde. QazAqparat - QHR bıligi ekonomıkany yntalandyrýǵa baǵyttalǵan jańa qadamdardy engizetinin jarııalady.
Onyń aıasynda shaǵyn bıznes úshin salyqtyq jeńildikter, eksporttaýshylardan jıyndyq tólemderdi tómendetý jáne jappaı temir jol qurylysy qarastyrylǵan.
Beıjiń 1 tamyzdan bastap aı saıynǵy satylym kólemi 3257 AQSh dollarynan (20 myń ıýan) aspaıtyn shaǵyn bıznes kásiporyndary úshin qosylǵan qun salyǵy men saýda aınalymy salyǵyna tyıym salmaq.
Úkimettiń esebinshe, bul jeńildikterden 6 mıllıonnan astam shaǵyn kásiporyndar utady eken. Osy oraıda tabys kólemi artyp, mıllıondaǵan qytaılyqtardyń eńbekpen qamtylýy joǵarylaıdy.
Yntalandyrýdyń jańa sharalary sonymen qatar kedendik rásimdeýdi jeńildetý, shaǵyn jáne orta kásiporyndardyń eksportyn ońtaılandyrý sekildi máselelerdi eskerip otyr.
VVS-diń jazýynsha, Qytaıdyń ekonomıkalyq ósiminiń qarqyny eki toqsan boıy qatarynan tómendep keledi jáne bul úrdis jalǵasady degen esepteýler bar.
