Qytaı dostyq qaýymdastyǵy: Astana - bolashaq qalasy
BEIJІŃ. QazAqparat - Qytaı dostyq qaýymdastyǵynyń halyqaralyq qatynastar bólimi basshysynyń orynbasary Van Tszıntao qazaqstandyqtardy Astana kúnimen quttyqtady.
«Astanada birneshe ret bolǵanmyn. Bul bolashaqtyń qalasy. Qazaqstannyń elordasy, ásem qalaǵa barǵan ár saparymnan alǵan áserdi sózben jetkizý qıyn. Onyń turǵyndary qonaqjaıy ekenin atap ótkim keledi. Az ýaqyt ishinde osyndaı qalany salý barsha qazaqstandyqtardyń eńbeginiń jemisi dep oılaımyn. Sizder elderińizdi jáne elordalaryńyzdy maqtan tutýǵa quqylysyzdar. Qazaqstan halqynyń dosy retinde Astana kúnimen quttyqtaımyn», - dedi ol qazaqstandyq jýrnalısterge bergen suhbatynda.
«Qazaqstan, - dedi ol, «Qytaıdyń jaqsy dosy jáne meıirimdi kórshisi. Sizdiń elderińizdiń jetistikterin kórip qýanamyz».
