Qytaı dońyzdyń kózin adamǵa salýdy qolǵa aldy
ASTANA. QazAqparat - Qytaı dárigerleri dońyz kóziniń aq qabyqshasyn adamǵa salý operatsııasyn júzege asyra bastady, dep habarlady www.24.kz.
Bıoınjenerlik zertteý nátıjesinde 70 naýqastyń janaryna nur bitken. Qazir kúrdeli operatsııany jasaıtyn kásipqoı hırýrgter saýsaqpen sanarlyq. Osyǵan baılanysty qazir bilikti mamandar daıarlanyp jatyr. Shenchjendegi shoshqa fermasy etten ǵana paıda tappaıdy, janýardyń janaryn adamǵa salýmen aınalysatyn zertteý ortalyǵyna satady. Álemdegi soqyr jandardyń 5/1-i Qytaıda turady. Bul - 8 mln adam kórýge zárý degen sóz. Naýqastardyń basym bóligi shyryshty qabattyń aýrýyna shaldyǵady eken. Olar úshin jalǵyz úmit - transplantatsııa.
«Sońǵy 10 jylda bizdiń kompanııa osy salany zertteý men jańalyq ashýǵa 1 mlrd ıýan jumsady. Osy ýaqyt aralyǵynda biz túrli janýarlarǵa zertteý júrgizdik. Sıyr, qoı, ıtke qaraǵanda dońyzdyń aq qabyqshasy quramy jaǵynan adamdikine óte jaqyn bolyp shyqty», - deıdi halyqaralyq kózdi qalpyna keltirý ortalyǵynyń bas dırektory Shao Chjenkan,
Osylaısha ótken jyldan beri jańa tásildiń arqasynda janary solǵan jandarda úmit paıda boldy. Aılap, tipti jyldap donor kútetinder úshin dońyz kózi naǵyz kómektiń ózi.
«2015 jyly aq qabyrshaqty salý boıynsha 5000 operatsııa jasalǵan. ıAǵnı jyl boıy 5 myń donor ǵana tabylǵan. Al mıllıondaǵan adam bolsa sarylyp kútip jatyr», - deıdi Chjýnshan kóz ortalyǵynyń professory ıÝan Tszın.
Dárigerlerdiń aıtýynsha, bıoınjenerlik tehnologııanyń arqasynda naýqas jandarǵa bir aıdyń ishinde operatsııa jasalady. Sonyń biri - Chjoý Vantszo. Ótken jyly sáýirde salynǵan kóz táýir kóre bastaǵan.
«Sol kózim túk kórmeıtin, qazir janaryma sáýle tústi», - dedi emdelýshiChjoý Vantszo.
Búginde Qytaıda dońyz kóziniń shyrshytty qabaty salynǵan 70 adam bar. Ázirge bilikti mamandar tapshy. Sondyqtan osy salada kóz dárigerlerin qaıta daıarlaý jumysy qolǵa alyndy. Bul eldegi 8 mln soqyr jannyń barlyq úmiti solarda.
