Qytaı delegatsııasy elordaǵa at basyn tiredi
ASTANA. Tamyzdyń 10-y. QazAqparat - Ústimizdegi jylǵy tamyzdyń 9-ynda elordaǵa qysqy Azııa oıyndaryn ótkizýge arnalǵan úlken kólemdi sharany ótkizý kezinde qoǵamdyq qaýipsizdik boıynsha pikir almasý maqsatynda Qytaı Halyq Respýblıkasy Gýandýn provıntsııasynyń Qoǵamdyq qaýipsizdik departamentinen delegatsııa keldi, dep habarlaıdy qalalyq ІІD baspasóz qyzmetinen.
Delegatsııa quramynda QHR Gýandýn provıntsııasy Qoǵamdyq qaýipsizdik departamentiniń bastyǵy Lıa Veıfa, Qoǵamdyq qaýipsizdik departamentiniń kirý jáne shyǵý isi boıynsha basqarmasynyń bastyǵy Chıan Mın, Qoǵamdyq qaýipsizdik departamenti ekonomıkalyq qylmyspen kúres basqarmasynyń bastyǵy Sıýı Venhaı, Qarjy departamentiniń bólim bastyǵy Gý Dýnfan, QQD tehnıka-qarjy bóliminiń bastyǵy ıAn Dýnlaı, QQD keńse meńgerýshisiniń orynbasary Lıý Djımın bar.
Tamyzdyń 10-ynda, ıaǵnı búgin pikir jáne tájirıbe almasý maqsatynda delegatsııanyń Qazaqstan Respýblıkasynyń Іshki ister mınıstrligi men Astana qalalyq Іshki ister departamentiniń basshylyǵymen kezdesýi ótkizildi. Delegatsııa QR ІІM men Astana qalalyq ІІD Jedel basqarý ortalyǵyn tamashalap, Astana qalalyq Іshki ister departamentine de baryp, bul jerde áriptesterge elordanyń qoldanysynda bar tehnıkalar, krımınalıstik laboratorııa, shaǵyn JBO, patrýldik avtokólikter, eskorttyq vzvod, Kınologııalyq qyzmet ortalyǵy, atty ásker, Jedel qımyldaıtyn arnaıy jasaq jáne «Arlan» arnaıy maqsattaǵy bólimshesiniń jumystary kórsetildi. Tústen keıin delegatsııa Astana qalalyq ІІD Kóshi-qon polıtsııasy basqarmasynyń jumysymen tanysty, sondaı-aq 2011 jyly Almaty jáne Astana qalalarynda qysqy Azııa oıyndaryn ótkizýge daıyndyq aıasynda «Astana-Arena» stadıonyn tamashalady.
Kezdesý barysynda «Báıterek», «Han Shatyr», «Dýman» oıyn-saýyq ortalyǵy, Táýelsizdik saraıy, Beıbitshilik jáne Kelisim saraıy sııaqty elordanyń kórnekti jerlerine ekskýrsııa jasaldy.
