Qytaı dárigerleri áıeldiń qulaǵynan tiri órmekshi alyp shyqqan (FOTO)
ASTANA. QazAqparat - Fox News portaly medıtsınalyq tájirıbede erekshe oqıǵa týraly baıandady. Qytaılyq áıel Lı Men dárigerlerge kelip, qulaǵynyń shýyldaǵany men aýyratynyna shaǵymdanǵan.
Anyqtalǵandaı, áıeldiń sol jaq qulaǵynda tiri órmekshi bolǵan. Dárigerler ony alyp tastady. Budan da muqııat tekserý kezinde órmekshiniń qulaqtyń ishinde tor salyp, áıel qulaǵynyń dabyl jarǵaǵynda ornalasqanyn kórsetti.
Órmekshini qulaqtan alyp shyǵý ońaıǵa soqpady - ony ilip alý áreketterine órmekshi agressııa tanytqan. Bul qulaqtyń ótkir aýyrýyna ákeldi. Patsıent áıel órmekshiniń qulaǵyna tabıǵat aıasyna demalysqa shyqqan kezde kirip ketken dep shamalap otyr, dep jazady sheteldik BAQ.
