Qytaı DAISh-pen kúresý úshin ásker jiberýi múmkin - BAQ
ASTANA. QazAqparat - Qytaı «Islam memleketi» radıkaldyq tobynyń (DAISh) lańkesterimen kúresý úshin ásker jiberýi múmkin, dep habarlady RIA Novostı Washington Times gazetine silteme jasap.
Basylym atap ótkendeı, Beıjiń, DAISh-ta qytaıdan shyqqan sodyrlar sanynyń artyp kele jatqanyna alańdaýly. «Másele onyń qaı tarapqa qosylatynynda», - dep málimdedi basylymǵa DAISh-pen kúreste QHR rólin talqylaý barysymen tanys sheneýnik.
Basylym Qytaı AQSh basshylyǵymen halyqaralyq koalıtsııaǵa emes, Sırııada operatsııa júrgizip jatqan RF qarýly kúshterine qosylýy yqtımal dep atap ótedi.
Eske salsaq, 2015 jylǵy qyrkúıekten bastap Reseı DAISh nysandaryna avıasoqqy jasaı bastady. Osy ýaqyt aralyǵynda RF ÁǴK birneshe júzdegen sodyrlardy, myńdaǵan terrorlyq nysandardy joıdy. Sırııaǵa AQSh basqaratyn koalıtsııa da soqqylar jasaýda.
