Qytaı COVAX-ke koronavırýsqa qarsy 10 mln doza vaktsına jiberedi

BEIJІŃ. QazAqparat – Qytaı halyqaralyq COVAX mehanızmine koronavırýsqa qarsy 10 mln doza vaktsına usynady. Mundaı málimdemeni brıfıngte Qytaı Halyq Respýblıkasy Syrtqy ister mınıstrliginiń resmı ókili Van Venbın jasady, dep habarlaıdy QazAqparat tilshisi.

«Dúnıejúzilik densaýlyq saqtaý uıymynyń (DDSU) suranysy boıynsha Qytaı COVAX-ke damýshy elderdiń qajettilikterin qanaǵattandyrý úshin 10 mln doza vaktsına jiberý týraly sheshim qabyldady», - dep habarlady Qytaı dıplomaty.

Eske sala ketsek, COVAX koronavırýsqa qarsy ekpege teńdeı qoljetimdiliktý qalyptastyrýdy kózdeıtin DDSU qaraýyndaǵy halyqaralyq mehanızm. Bul mehanızmge 190 el qosyldy.

Buǵan deıin QHR SІM málimdegendeı, Qytaıdyń COVAX mehanızmine qosylýy – «COVID-19 vaktsınasyn jahandyq qoǵam ıgiligine aınaldyrý mindettemelerin oryndaý úshin mańyzdy qadam».