Qytaı «Chhonan» korvetine qatysty taraptardy sabyrlylyqqa shaqyrdy
BEIJІŃ. Mamyrdyń 28-i. QazAqparat /Rýslan Súleımenov/ - Qytaı, Koreı túbegindegi jaǵdaıdyń ýshyǵýyna jol bermes úshin, barlyq múddeli taraptardy sabyrlylyqqa,
salqynqandylyqqa jáne «Chhonan» korvetine qatysty oqıǵany laıyqty retteýge shaqyrýda. Bul týraly Beıjińde beısenbi kúni ótken brıfıngte Qytaı Syrtqy ister mınıstrliginiń resmı ókili Ma Chjaosıýı málim etti.
Dıplomat óz sózinde, Qytaıdyń Soltústik-Shyǵys Azııa men Koreıa túbegindegi tynyshtyq pen turaqtylyqty saqtaýǵa, altyjaqty kelissózdi jalǵastyrýǵa talpynyp kele jatqanyn atap kórsetti.
Juma, mamyrdyń 28-i kúni Qytaı Memlekettik keńesiniń premeri Ven Tszıabaonyń azııalyq týrnesi bastalady. Ol sapar barysynda Ońtústik Koreıa, Japonııa, Mońǵolııa jáne Mıanmada bolady. Qytaı syrtqy ister vıtse-mınıstri Chjan Chjıtszıýnniń aıtýynsha, premerdiń bul sapary «beıbitshiliktiń, dostyq pen yntymaqtastyq sapary» bolyp tabylady.
«Bul sapar Qytaı, Japonııa jáne Koreıa Respýblıkasy arasyndaǵy yntymaqtastyqty, aımaqtaǵy tynyshtyq pen turaqtylyqty saqtaýǵa qoldaý bolady», deıdi Chjan Chjıtszıýn.
