Qytaı chempıony bolǵan qazaqstandyq boksshy fılıppındikti jeńdi

ALMATY. QazAqparat – Qytaıdan tarıhı Otanyna oralyp, alǵash ret el namysyn qorǵaǵan Elshat Nyǵmetollauly (14-0-1,5KO) kezekti jekpe-jeginde jeńiske jetti, dep habarlaıdy QazAqparat tilshisi.

Elshat Almaty qalasynda ótken «Jetisý jaýyngerleri» kásipqoı boks keshinde sharshy alańǵa shyǵyp, fılıppındik boksshy Ardın Dıalemen (35-14-4,17KO) 8 raýnd bokstasty. Nátıjesinde otandasymyz tóreshiler sheshimimen jeńiske jetti.

Aıta keteıik, búgin Almatyda MTK qazaqstan promoýterlik kompanııasynyń uıymdastyrýymen «Jetisý jaýyngerleri» kásipqoı boks keshi ótti. Boks keshinde 8 qazaqstandyq jáne 1 ózbekstandyq jas boksshylar rıngke shyǵyp, barlyǵy qarsylastarynan basym tústi.

25 jastaǵy Elshat Nyǵmetolla 2014 jyly kásipqoı boksqa aýysyp, 2016 jyly WBO tujyrymy boıynsha Qytaı chempıony, 2018 jyly WBC tujyrymy boıynsha Azııa chempıony atanǵan bolatyn. Araǵa bir jyl alyp ol Qazaqstan azamaty atanyp, búgin kásibı rıngte alǵash ret el namysyn qorǵady.