Qytaı BUU Qaýipsizdik Keńesine tóraǵa boldy

BEIJІŃ. QazAqparat - 1 tamyzdan bastap Qytaı BUU Qaýipsizdik Keńesiniń kezekti tóraǵasy boldy, dep habarlaıdy QazAqparat Sınhýaǵa silteme jasap.

Qytaı Halyq Respýblıkasynyń BUU janyndaǵy Turaqty ókili Chjan Tszıýnniń tóraǵalyǵymen BUU Qaýipsizdik Keńesiniń ishki konsýltatsııalary ótti, onda organnyń tamyz aıyndaǵy jumys jospary bekitildi. Josparǵa sáıkes, tamyz aıynda BUU Qaýipsizdik Keńesi birqatar máselelerdi, sonyń ishinde Iemen, Sırııa, Lıvııa, Taıaý Shyǵys, Palestına jáne terrorızmmen kúres máselelerin qarastyrady.

Qytaı tarapynyń bastamasy boıynsha Qaýipsizdik Keńesi «Jalpy qaýipsizdikti qoldaý» jáne «Afrıka elderiniń áleýetin arttyrý» taqyryptary boıynsha eki arnaıy otyrys ótkizedi. Turaqty ókildiń aıtýynsha, Qytaı BUU-nyń damý salasyndaǵy kún tártibin ilgeriletýde.

Chjan Tszıýn Qytaıdyń BUU aldyndaǵy qarjylyq mindettemelerin árdaıym belsendi oryndaǵanyn rastady. QHR — BUU turaqty jáne bitimgershilik operatsııalar bıýdjetine tólengen jarnalar kólemi boıynsha ekinshi memleket.

Foto: old.vecher.kz