Qytaı Búkilálemdik uıǵyr kongresi ókilderin Tokıodaǵy ıAsýkýnı shirkeýine barǵany úshin kinálady
BEIJІŃ. 15 mamyr. QazAqparat - Ótken dúısenbi kúni Búkilálemdik uıǵyr kongresiniń ókilderi Tokıo qalasyndaǵy ıAsýkýnı shirkeýine bardy.
Bul oqıǵa Qytaı, Japonııa jáne Koreıa Respýblıkasy basshylarynyń Beıjińde ótken 5-shi kezdesýi kezinde boldy. Onyń qorytyndylary boıynsha taraptar erkin saýda aımaǵyn qurý, sondaı-aq Qytaı men Japonııa elderi arasyndaǵy qarym-qatynastardyń turaqtandyrylýyna 40 jyl tolǵany boıynsha kelissózderdi bastaýǵa kelisken edi.
ıAsýkýnı shirkeýine táý etýshiler Japonııa jáne ımperator úshin qaza tapqan jaýyngerlerge taǵzym etedi. Osyǵan baılanysty Qytaı ıAsýkýnı shirkeýin japondyq mılıtarızm belgisi dep esepteıdi.
Qytaı bul oqıǵany tez elep-eskerdi. Búkilálemdik uıǵyr kongresi separatısteriniń ıAsýkýnı shirkeýine barýyn Beıjiń «eldiń bólinýi men qytaılyq-japondyq qarym-qatynastardy joıýǵa baǵyttalǵan qyzmet» retinde baǵalaıdy, dep túsinik berdi dúısenbi kúni QHR SІM-niń resmı ókili Hýn Leı.
«Osyndaı áreketterge eldegi jáne eldiń syrtyndaǵy barlyq qytaı azamattary, oǵan qosa, uıǵyr ultynyń ókilderi qarsy turady», - dep atap ótti qytaılyq dıplomat.
Jaqynda Qytaıdyń syrtqy saıası vedomstvosy Japonııanyń Búkilálemdik uıǵyr kongresiniń basshysy Rabııa Qadyrǵa vıza berýine baılanysty kelispeýshiligin tanytty.
Qytaıda Búkilálemdik uıǵyr kongresiniń qyzmetine tyıym salynǵan, QHR SІM-niń málimdeýinshe, «Búkilálemdik uıǵyr kongresi lańkestik uıymdarmen tyǵyz baılanysty jáne Qytaıǵa qarsy separatıstik top bolyp tabylady».
