Qytaı boksshylaryna qarsy aıqasatyn «Arlandyqtar» anyqtaldy
ASTANA. QazAqparat - Búkilálemdik boks serııasynyń (WSB) toptyq kezeńi barysynda 14 sáýir kúni «Qytaı aıdaharlaryna» qarymta kezdesý ótkizetin «Astana arlandarynyń» quramy belgili boldy, habarlaıdy QazAqparat.
Erteń, ıaǵnı 14 sáýir kúni «Qytaı aıdaharlaryna» qarsy 52 keli salmaqta Sáken Bıbosynov, 60 keli salmaqta Álimjan Beskempir, 69 keli salmaqta Aslanbek Shymbergenov sharshy alańǵa shyǵady. Al 81 kelide Bek Nurmaǵanbet el namysyn qorǵasa asa aýyr salmaqta Nursultan Amanjolov synǵa túsedi.
Esterińizge sala keteıik, «Astana arlandary» «Qytaı aıdaharlaryna» qarsy ótkizgen alǵashqy jekpe-jeginde 5:0 esebimen oısyrata jeńgen bolatyn.
Alǵashqy aıqas Qytaıdyń Gýııang qalasynda ótse, qarymta jekpe-jek Tarazda ótedi.
