Qytaı bıyl jalpy ishki ónim kólemi boıynsha Japonııany yǵystyryp, ekinshi orynǵa shyqty - «Sandı telegraf»
ASTANA. Jeltoqsannyń 28-i. QazAqparat - Qytaı, bıyl jalpy ishki ónim kólemi boıynsha Japonııany yǵystyryp, ekinshi orynǵa shyqty. Bul týraly brıtandyq «Sandı telegraf» aptalyǵy London-Sıtı mamandarynyń baǵalaýyna silteme jasap habarlaıdy.
Qytaı jalpy ishki ónimniń ataýly máni boıynsha álem elderiniń arasynda ekinshi orynǵa kelesi, 2010 jyly shyǵady dep boljanǵan bolatyn. Biraq, Aspanasty eli bul jetistikke erterek - aǵymdaǵy jyldyń ekinshi jartysynda qol jetkizip otyr, dep jazady brıtan basylymy.
Bul qorytyndylar, Qytaıdyń memlekettik statıstıkalyq qyzmeti ótken aptada 2008 jyldyń naqtylanǵan málimetterin bergennen keıin, jasalyp otyr. Sol málimetterge sáıkes, Qytaıdyń jalpy ishki óniminiń ósýi, burynǵydaı 9 paıyzdy emes, 9,6 paıyzdy qurap otyr.
2008 jyldyń qorytyndysy boıynsha Qytaıdyń jalpy ishki ónimi 4,6 trıllıon AQSh dollaryna jetti. Japonııa úshin bul kórsetkish 4,9 trıllıon dollardy quraǵan bolatyn.
