Qytaı bıyl kezekti halyq sanaǵyn júrgizedi

BEIJІŃ. QazAqparat – Qytaıda 2020 jyly jetinshi jalpyulttyq halyq sanaǵyn júrgizýdi bastaıdy. Bul týraly juma kúni 13-shi shaqyrylymdaǵy Búkilqytaılyq halyq ókilderi jınalysynyń 3-shi sessııasynda jarııalanǵan baıandamada aıtyldy, dep habarlaıdy QazAqparat tilshisi.

QHR Memlekettik keńesiniń buǵan deıin habarlaýynsha, sanaq 2020 jyldyń 1 qarashasynda bastalyp, halyqtyń sany, qurylymy jáne geografııalyq jaǵynan bólinisin anyqtaıdy.

«Qytaıda qalalarda toptasý deńgeıi alǵash ret 60 paıyzdan asqan», - delingen baıandamada. Al 2010 jyly qaladaǵy turǵyndar sany 49,6 paıyzdy quraǵan.

Eske sala ketsek, sońǵy halyq sanaǵy 2010 jyly bolǵan. Keıingi on jylda, 2000 jyly ótkizilgen 5-shi sanaqtan keıin qurlyqtaǵy Qytaı turǵyndarynyń sany 73,9 mln adamǵa kóbeıgen. Jalpy alǵanda, 2010 jylǵy jaǵdaı boıynsha Qytaı halqynyń sany 1,3 mlrd adamnan asqan.

Bul elde jalpyulttyq halyq sanaǵy 1953, 1964, 1982, 1990, 2000 jáne 2010 jyldary júrgizildi.

Avtor: Rýslan Súleımenov

Foto: mandarinhouse.com