Qytaı Bishkekte ornalasqan óz elshiligindegi dıplomattar úshin alańdaýly
ASTANA. QazAqparat -Qytaı Bishkektegi óz elshiliginde bolǵan avtokólik jarylysyna qatty alańdaýly. Bul týraly QHR SІM resmı ókili Hýa Chýnın málimdedi, dep habarlaıdy TASS.
«Búgin tańerteń Qyrǵyzstandaǵy QHR elshiligine jarylǵysh zaty bar avtokólik shabýyl jasady jáne mekemeniń úsh qyzmetkeri jaralandy. Mundaı zorlyq-zombylyq bizdi eseńgiretti. QHR syrtqy ister mınıstrligi barlyq qajetti tótenshe sharalardy jasaýda jáne Bishkekten qytaılyq azamattar men mekemelerdiń qaýipsizdigin qamtamasyz etýdi suraımyz», - dedi Hýa Chýnın.
Buǵan deıin habarlanǵandaı, Mitsubishi avtokóligindegi belgisiz bireý QHR elshiliginiń qaqpasyn buzyp, basa-kóktep kirmek bolǵan jáne sol mezette jarylys bolǵan. Boljaý boıynsha, jarylǵysh zat avtokólik ishinde bolǵan. Jarylystan elshilik ǵımaraty men jaqyn úılerge eleýli nuqsan keldi.
Avtokólik salonynda bolǵan adam oqıǵa ornynda qaza tapty. Dıplomatııalyq ókildik aýmaǵynda jumys isteıtin úsh jergilikti turǵyn jaralandy. Qytaı dıplomattary arasynda jaralanǵandar joq.
Foto:© AP Photo/ Vladimir Voronin
