Qytaı birqatar shet memleketten keletin jolaýshylardyń elge kirý talaptaryn kúsheıtti

BEIJІŃ. QazAqparat - Qytaıǵa bara jatqan jolaýshylar ushaqqa otyrar kezde koronavırýstyń nýkleın qyshqylyn anyqtaýǵa arnalǵan testke qosymsha antıdenelerge teris test usynýy tıis, dep habarlaıdy QazAqparat QHR-nyń AQSh-taǵy jáne Eýropanyń birqatar elderindegi elshilikteriniń habarlamalaryna silteme jasap.

Bul erejeler 6-10 qarasha aralyǵynda kúshine enedi. QHR-dyń AQSh, Ulybrıtanııa, Frantsııa, Italııa, Polsha jáne basqa da birqatar Eýropa elderindegi elshilikteri Qytaıǵa ushatyn jolaýshylar ushar aldynda koronavırýsqa nýkleın qyshqylyn anyqtaýǵa arnalǵan testke qosymsha teris antıdeneler synaǵyn usynýy kerek degen málimdemeler jarııalady.

Qytaı azamattary men QHR-ǵa baratyn sheteldikter ushýdan 48 saǵat buryn antıdenelerge synaq tapsyrýy kerek. Testileý QHR-dyń sheteldegi elshilikteri bekitken mekemelerde ótkizilýi tıis. Qytaıǵa ushatyn reıstermen baratyn jolaýshylar tranzıttik elderde antıdenelerdi qaıta tekserip, koronavırýstyń nýkleın qyshqylyn anyqtaýǵa mindetti.

Avtory Rýslan Súleımenov