Qytaı «Bir beldeý, bir jol» strategııasyn kúsheıtip jatyr
BEIJІŃ. QazAqparat - Qytaı «Bir beldeý, bir jol» strategııasy men baǵdarlamasyn damytý aıasynda shet eldermen baılanysty nyǵaıta túspek. Bul týraly Jalpyqytaılyq jıynnyń birinshi sessııasynda QHR Memlekettik keńesiniń Premeri Lı Ketsııan málimdedi, dep habarlaıdy «QazAqparat» HAA Beıjińdegi menshikti tilshisi.
«Bir beldeý, bir jol» bastamasy aıasyndaǵy halyqaralyq seriktestikti damytýde birlesken keńes, birlesken qurylys, birlese paıdalaný prıntsıpterine súıenemiz»,-dedi ol.
Lı Ketsııannyń aıtýynsha, Qytaıdyń alǵa qoıǵan maqsaty eldiń batysyndaǵy shekaralyq aýdandarynyń ashyqtyq deńgeıin joǵarylatyp ekonomıkalyq seriktestik keńistigin ulǵaıtý. Qytaı óndirisi men qyzmetin shetelge shyǵarýdy yntalandyrý. Sonymen qatar ol halyqaralyq kólik dálizderin kúsheıtip «Bir beldeý, bir jol» baǵdarlamasyna qatysýshy elder arasyndaǵy kedendik yntymaqtastyqqa kúsh salýdyń qajettiligin basa aıtty.
Ótip jatqan sessııada Qytaı eli úshin asa mańyzdy sheshimder qabyldanbaq.
