Qytaı bıligi jalǵan iPhone shyǵarǵan fabrıkany jaýyp, 9 adamdy qamaýǵa aldy
ASTANA. QazAqparat - Qytaıda 40 myńnan astam jalǵan iPhone smartfonyn shyǵarǵan astyrtyn fabrıkanyń jumysyna qatysy bar degen kúdikpen 9 adam qamaýǵa alyndy, dep habarlaıdy VVS.
Astyrtyn óndiriste jańa iPhone smartfondaryn buryn qoldanysta bolǵan jáne jasandy bólshekterden jınaǵan júzdegen qyzmetker jumys istedi. Kontrafaktilik smartfondar eksportqa, sonyń ishinde AQSh eline de jiberilgen, aǵymdaǵy jyldyń ishinde ǵana satýdyń jalpy kólemi 41 myń da qurylǵy nemese 120 mln. ıýanǵa (19,7 mln.AQSh dollary) baǵalanady. Jalǵan smartfondardyń óndirisi qańtar aıynda bastalǵan.
Qyzmet kórsetý ortalyǵy túrinde jumys istegen fabrıka 14 mamyrda anyqtaldy, alaıda qytaılyq Qoǵamdyq qaýipsizdik bıýrosy ótkizilgen is-sharalar týraly áleýmettik jelilerde tek ótken jeksenbi kúni habarlaǵan.
Beıjiń bılik kózderiniń aıtýynsha, astyrtyn fabrıkany erli-zaıypty jup basqardy, al smatrfondardy qurastyrý qytaılyq astananyń soltústik bóliginde júzege asyrylǵan.
