Qytaı bıligi ıýandi qunsyzdandyrdy
ASTANA. QazAqparat - Qytaıdyń qarjy bıligi jergilikti eksporttaýshylarǵa bergen ýádesinde turyp, tól valıýtalaryn qunsyzdandyrdy.
Sársenbi kúni tańerteń saýda naryǵynda qytaı ıýaniniń AQSh dollaryna shaqqandaǵy baǵamy bıylǵy kóktemdegi eń tómengi mejesine tústi.
Eldiń Ulttyq banki kapıtaldyń jylystaýyn toqtatý jáne maýsym aıynda AQSh dollarynyń nyǵaıýy múmkindiginen ıýandi saqtandyrý maqsatynda baqylanatyn devalvatsııa jasaý týraly sheshim qabyldady.
10 mamyr kúni QHR-dyń ulttyq valıýtasynyń baǵamy bir AQSh dollary úshin 7,12 ıýandi qurady. Al keshe eldiń Ulttyq banki ıýanniń baǵamyn 6,90-ǵa deıin álsiretti. Bul sońǵy eki aıdaǵy eń tómengi kórsetkish, dep habarlaıdy Bloomberg.
Qytaı bıligi el ishindegi kapıtal aǵynyn basqarý maqsatynda sońǵy eki jyl boıy josparly túrde baqylanatyn devalvatsııa ótkizip keledi. Máselen, 2015 jyly ıýanniń bir dollarǵa baǵamy - 6 paıyzǵa, 2016 jyly 6,7 paıyzǵa tómendedi.
QHR-dyń 2017 jyly ulttyq valıýtany qunsyzdandyrýy, sondaı-aq kapıtaldyń jylystaýymen baılanysty.
