Qytaı bıligi úkimetti reformalaý jobasyn usyndy
BEIJІŃ. 10 naýryz. QazAqparat - Qytaı bıligi QHR Memlekettik Keńesin (joǵarǵy atqarýshy organ) reformalaý jobasyn 10 naýryzda, jeksenbi kúni qytaı parlamenti depýtattarynyń qaraýyna usyndy.
Úkimet janyndaǵy mınıstrlik deńgeıindegi organdar sany tórt birlikke qysqaryp, 25 mınıstrlik pen memlekettik komıssııany quraıdy.
Reforma Temirjol mınıstrligin joıyp, onyń qyzmetterin Kólik mınıstrligine berýdi kózdeıdi. Sonymen qatar Qytaı temirjoldary kompanııasy qurylady. Qytaı densaýlyq saqtaý mınıstrligi men josparly bala týý jónindegi memlekettik komıtet densaýlyq saqtaý jáne josparly bala týý biryńǵaı memlekettik kómıtetine birigedi. Reforma mınıstrlikterdiń jalpy sanyn qysqarta otyryp, birqatarynyń ókildikterin keńeıtýge baǵyttalǵan.
«QHR Memlekettik Keńesi apparatynyń reformasy jáne onyń qyzmetterin ózgertý» jobasy boıynsha, taǵam ónimderi men dári-dármekterge baqylaýdy júzege asyratyn memlekettik basqarýdyń ókilettikterin keńeıtedi. QHR ortalyq halyq úkimetiniń qurylymdarynda basqa da ózgerister kózdelgen.
QHR basshylyǵynyń pikirinshe, úkimet qurylymyn reformalaý eldegi naryqtyq jáne áleýmettik úderisterge ákimshilik aralasýdy tómendetýge baǵyttalǵan. Qytaı parlamentiniń jyl saıynǵy sessııasyna QHR Memlekettik Keńesin reformalaý jobasyn engizý úkimettiń ashyqtyǵyn jáne tıimdiligin kóterý jáne sybaılas jemqorlyqtyń jolyn kesý jónindegi urandarmen ótýde.
Eske sala keteıik, Beıjińde Búkilqytaılyq halyq ókilderi jınalysynyń (joǵary zań shyǵarýshy organ) jylsaıynǵy sessııasy ótýde, ol 17 naýryzǵa deıin sozylady. Sessı barsynda QHR úkimetiniń jańa quramy qalyptastyrylady.
