Qytaı bıligi týrısterdiń Tıbetke kelýine tosqaýyl qoıdy
ASTANA. 8 maýsym. QazAqparat - Mundaı sharalar 2012 jyldyń 1 shildesinde Qytaı kommýnıstik partııasynyń 90 jyldyǵyn merekeleý kezinde tártipsizdikterdi boldyrmaý maqsatynda qabyldanyp otyr.
Týrıstik agenttikter shyǵyndardy esepteı kele, tyıym salý tamyzdyń basyndaǵy býddıstik festıval bastalysymen alynyp tastalady dep úmittenedi. Bul týraly Eýrazııa birinshi arnasy euronews.com saıtyna silteme jasaı otyryp, habarlady.
Sheteldik týrısterge budan buryn da Tıbetke kelý ońaıǵa soqpaıtyn: QHR-ǵa kirý úshin vıza alyp qana qoımaı, qytaı bıliginiń aımaqqa ený týraly arnaıy ruqsatyn alý kerek bolǵan. Tıbetke saıahat jasaǵanda týrıstik top quramynda kelýge ǵana ruqsat etiledi.
Aıta keteıik, Tıbetke kelýge shekteý qoıý isin Pekın bıyl osymen ekinshi ret engizip otyr.
