Qytaı bıligi legıonerler satyp alatyn fýtbol klýbtaryn qatań jazalamaq
ASTANA. QazAqparat - Qytaı bıligi shetelden legıonerler satyp alatyn fýtbol klýbtaryn qatań jazalamaq, dep habarlaıdy QazAqparat tilshisi.
Qytaıdyń sports.sohu.com saıtynyń jazýyna qaraǵanda endi jergilikti sport jáne dene shynyqtyrý basqarmasy fýtbol klýbtarynyń transferlik shyǵynyna jáne legıonerlerdiń jalaqysyna shekteý qoıyp, olardyń orynyna óz elderiniń sportshylaryn tartpaq.
Atalǵan saıtta «Biz fýtbolshylardy óte qymbat baǵaǵa satyp alǵýǵa shekteý qoıamyz. Aldaǵy ýaqytta bundaı bassyzdyq bolmaıdy. Qytaıdyń fýtbol klýbtarynda óz órenderimiz oınaýy tıis. Shetelden óte qomaqty qarjyǵa legıoner shaqyrǵansha ózimizdiń 21-23 jas aralyǵyndaǵy jastarymyzdy oıynǵa tartýymyz kerek. Ózge eldiń fýtbolshylaryn satyp alatyn aqshany óz barkerlerimizdiń biliktiligin arttyrýǵa jumsaımyz», - dep jazǵan qytaı bıligi.
Esterińizge sala keteıik, jaqynda qytaıdyń Sýperlıgasyna shyqqan «Tıantszın Tsıýantszıan» klýby ıspanııalyq shabýylshy Dıego Kosta úshin «Chelsıge» usynys jasaǵan bolatyn. Eger usynys qabyldanǵan jaǵdaıda qytaı klýby oǵan 80 mıllıon eýro tóleýge daıyn ekendigin jetkizgen.
Aıta keteıik, «Tıantszın Tsıýantszıan» komandasyn áıgili ıtalıan qorǵaýshysy Fabıo Kannavaro jattyqtyrady. Búginde qytaıda Halk, Oskar, Esekel Lavessı, Ramıres, Djekson Martınes, Jervıno jáne basqa da tanymal fýtbolshylar dop tebei.
