Qytaı bıligi koronavırýsqa qarsy kúreske 9,56 mlrd AQSh dollaryn bóldi

BEIJІŃ. Sınhýa-QazAqparat – 2019-nCov koronavırýsyna qarsy kúreste atalǵan somanyń 4,08 mlrd AQSh dollary qazirdiń ózinde jumsalyp ketken, dep habarlaıdy QazAqparat Sınhýa agenttigine silteme jasap.

«Atalǵan somanyń qazirdiń ózinde 28,48 mlrd ıýany (4,08 mlrd AQSh dollary) jumsalyp ketti», - dedi baspasóz máslıhatynda QHR qarjy mınıstri Úı Ýeıpıń.

Qytaılyq sheneýniktiń aıtýynsha, bólingen qarajattyń tórtten bir bóligi eldiń ortalyq bıýdjetinen qarastyrylǵan.

Ol sonymen qatar, atalǵan qarajat koronavırýsqa qarsy kúreste sýbsıdııa úshin jáne ǵylymı-zertteý jumysyn júrgizý, qajettiligi ótkir taýarlar men azyq-túlik qoryn tolyqtyrý maqsatynda bólingenin jetkizdi.

«Qarajat barlyq aımaqtan kelip jatyr. Ortalyq úkimet týraly aıtar bolsaq, ol vırýstyń tarap ketpeýi úshin qajetti barlyq sharany qolǵa alýda», - deıdi Úı Ýeıpıń.