Qytaı bıligi eldiń soltústigindegi shańdy daýyl qaýpi týraly eskertti

BEIJІŃ.Sınhýa –QazAqparat – QHR Ulttyq meteorologııalyq ortalyǵy juma kúni tańerteń eldiń soltústik bóliginde shańdy daýylǵa baılanysty dabyldyń «kók» deńgeıin jańartty, dep habarlaıdy QazAqparat Sınhýa agenttigine silteme jasap.

Vedomstvonyń boljamyna sáıkes, qum men shań aǵyndary AR Іshki Mońǵolııanyń keıbir aýdandaryn, Shensı, Shansı, Hebeı, Shandýn, Henan, Lıaonın provıntsııalaryn, sondaı-aq Beıjiń jáne Tıantszın qalalarynda bolady.

Ortalyq joǵaryda atalǵan ákimshilik birlikterdiń turǵyndaryna qumdy daýyldarǵa qarsy saqtyq sharalaryn qabyldaýǵa, al júrgizýshilerge joldyń kórinbeýine daıyndalýǵa keńes berdi.

Qytaıda aýa raıynyń qolaısyzdyǵy týraly tórt deńgeıli eskertý júıesi bar, onda qyzyl tús qaýiptiń eń joǵary deńgeıin kórsetedi, odan keıingi - qyzǵylt sary, sary jáne kók túster.