Qytaı bıligi 4 myńǵa jýyq zańsyz saıttardy japty
ASTANA. QazAqparat - Sońǵy 5 jyl kóleminde Qytaı bıiligi avtorlyq quqyqtyń buzylýymen baılanysty 22 myń 568 isti áshkerelep, 3908 zańsyz jumys istep kelgen saıtty japty. Bul týraly Sınhýa Avtorlyq quqyq jónindegi memlekettik basqarmaǵa silteme jasap habarlaıdy.
2005 jyldan bastap, Avtorlyq quqyq jónindegi memlekettik basqarma ózge de quzyrly organdarmen birlese otyryp, jyl saıyn zańsyz júrgiziletin onlaın qyzmettermen kúres júrgizdi. Aktsııanyń basty nysanasy ádebı, mýzykalyq, oıyn saıttary, vıdeoportaldar men soft-portaldar jáne basqalar bolyp otyr.
«Avtorlyq quqyq jónindegi memlekettik basqarmanyń jiti baqylaýynda turǵan saıttar tizimine 20 vıdeoportal, 20 mýzykalyq saıttar, 8 onlaın-dıskiler men 10 ádebı saıttar kirdi»,-dep habarlady Sınhýa agenttigine áńgimelesýshi.
Onyń pikirinshe, kóp jyldardan beri zańsyz onlaın qyzmetterge qarsy júrgizilip kelgen naýqan óziniń nátıjesin berip úlgerdi.
