Qytaı bıdaıǵa suranysty kúsheıtti
ASTANA. 19 shilde. QazAqparat - Qytaı bıdaıdy qosymsha satyp alýǵa kelissózder júrgizýde, dep habarlaıdy RBK.
Óıtkeni elde egin oraǵy kezindegi jańbyr men kúnniń sýytý saldarynan 20 mln. tonna bıdaı iske aspaı qaldy, bul qytaı egininiń 16 paıyzy. Sondyqtan da qytaı bıdaıdyń tapshylyǵyn shetelden satyp alýmen toltyrmaq. Sonyń nátıjesinde Qytaı ımporty álemdegi iri ımporttaýshy Egıpetti basyp ozbaq.
Búginde Qytaı Avstralııamen kelesi jyldyń І toqsanynda 500 myń tonna bıdaı satyp alýǵa kelissózder júrgizýde, sarapshylardyń pikirinshe, ol budan da kóp astyq satyp alýy múmkin. Sarapshylpardyń esepteýinshe, qytaı ımporty bıyl jáne kelesi jyly 10 mln. tonnadan asýy múmkin.
Qytaıdyń bıdaıǵa suranysy artýyna baılanysty basqa ımporttaýshylar balamaly jetkizý kózderin izdestirýde. Avstralııa bıdaıynyń Taıaý Shyǵysqa jetkizilýi tolyǵymen toqtatylýy múmkin, al Indonezııa sııaqty astyq ımporttaýshylar sharasyzdan astyqty neǵurlym qymbat baǵaǵa satyp almaq.
