Qytaı Beıjińnen Máskeýge deıin jańa temirjol tartpaq
ASTANA. QazAqparat - Qytaı taıaýdaǵy bolashaqta Beıjińnen Máskeýge joǵary jyldamdyqty temir jol tartpaqshy. Oǵan barlyǵy 1,5 trln. ıÝan ($242 mlrd) qarjy jumsalmaq, dep habarlady «Vek» saıty.
Bul Qytaı men Reseı arasyndaǵy joldaǵy ýaqytty eki kúnge deıin qysqartpaq. Jańa jolbaǵyt Qazaqstan arqyly ótedi dep josparlanýda. Reseı temir joldary vıtse-prezıdenti Aleksandr Mısharın de budan buryn osy perspektıvaly joba jóninde aıtqan bolatyn. «Biz jańa kólik jelisin quramyz, ony aýqymy men mańyzy jaǵynan Sýets arnasy qurylysymen salystyrýǵa bolady», dep málimdedi sonda sheneýnik. Onyń aıtýynsha, bir astanadan ekinshisine jetý úshin jolǵa 30 saǵattaı ýaqyt ketedi.
Sondaı-aq jaqynda Reseı kólik mınıstrligi, RTJ, QHR-dyń damý jáne reforma jónindegi memlekettik komıtetiniń jáne «Qytaı temir joldarynyń» ókilderi joǵary jyldamdyqty temirjol magıstralyn damytý salasyndaǵy yntymaqtastyq týraly memorandýmǵa qol qoıdy.
Joǵary jyldamdyqty magıstral qurylysyn qytaı taraby qarjylandyrmaq, bul týraly Aspanasty elindegi derekkózder de málim etti.
