Qytaı benzın men dızeldik otyn baǵasyn jyl basynan onynshy ret kóterdi

BEIJІŃ. QazAqparat – Qytaı memlekettik retteýishi 2022 jyl bastalǵaly beri benzın men dızeldik otynnyń bólshek baǵasyn onynshy ret kóterip jatyr, dep habarlaıdy QazAqparat menshikti tilshisi QHR damý jáne reformalar isteri jónindegi memlekettik komıtetiniń (DRІMK) málimetine silteme jasap.

DRІMK málimetinshe, bir tonna benzın baǵasy 400 ıýanǵa (barreli 6,94 dollar), dızeldik otyn - 390 ıýanǵa (barreli 7,76 dollar) ósedi. Benzın men dızeldik otynnyń qymbattaǵan baǵasy 31 mamyrdan bastap kúshine enedi.

Atalǵan komıtettiń monıtorıng ortalyǵynyń derekterine sáıkes, sáýir aıynda Qytaıdyń 36 qalasynda 92 markaly benzınniń bólshek saýdadaǵy baǵasy lıtri úshin 8,53 ıýandi (1,34 dollarǵa jýyq), 95 markaly benzın lıtri úshin 9,16 ıýandi (1,43 dollar) qurady.