Qytaı basshysynyń sapary Qazaqstannyń strategııalyq mańyzdylyǵyn kórsetedi - sarapshy

NUR-SULTAN. QazAqparat – Saıasattanýshy Sanat Kóshkimbaev Qytaı Halyq Respýblıkasynyń Tóraǵasy Sı Tszınpınniń Qazaqstanǵa saparyna qatysty pikir bildirdi, dep habarlaıdy QazAqparat tilshisi.

Onyń pikirinshe, QHR Tóraǵasynyń memlekettik sapary Qazaqstan úshin de, búkil Ortalyq Azııa óńiri úshin de mańyzdy oqıǵa sanalady. Sonymen qatar ol Qytaı basshysynyń pandemııadan keıingi alǵashqy sheteldik sapary ekenin atap ótti. Bul bir jaǵynan Qazaqstannyń strategııalyq mańyzdylyǵyn, ekinshi jaǵynan Qazaqstandy boljamdy, senimdi seriktes retinde kórsetedi.

«Taraptar birlesken kúsh-jigerdi jandandyratyn qujattarǵa qol qoıylady dep kútýde. Pandemııaǵa qaramastan Qazaqstanmen ekonomıkalyq baılanys turaqty boldy jáne bolyp qala beredi», - dedi saıasattanýshy.

Saıasattanýshy QHR Tóraǵasy Sı Tszınpın 9 jyl buryn Qazaqstanǵa alǵashqy memlekettik sapary kezinde «Bir beldeý - bir jol» ekonomıkalyq beldeýin birlesip salý bastamasyn resmı túrde usynǵanyn eske saldy. Sanat Kóshkimbaevtyń aıtýynsha, bul Qytaıdyń jahandyq bastamalaryn iske asyrýda Qazaqstannyń qanshalyqty mańyzdy ekenin kórsetedi. Shyn máninde, elimiz jahandyq kólik dáliziniń negizgi býyny sanalady.