Qytaı basshysy Hý Tszıntaonyń memlekettik týǵa degen aıyryqsha qurmeti otandastaryna erekshe áser etti
ASTANA. 22 maýsym. QazAqparat - Meksıkada ótken «Úlken jıyrmalyq» elderi basshylarynyń sammıti kezindegi QHR Tóraǵasy Hý Tszıntaonyń memleket týyn jerden eńkeıip alyp jatqan sýreti otandastaryna qatty áser etti,
dep jazady Qytaıdyń «Jenmınvan» saıty.
Bul sýretter «Úlken jıyrmalyq» elderi basshylarynyń sammıti kezinde túsirilgen, uıymdastyrýshy jaq edenge ár eldiń memlekettik týyn japsyrý arqyly basshylardyń toptyq sýretke túskende turatyn ornyn belgilegen. Toptyq sýretke túsip bolǵannan keıin, memlekettik tý bederlengen qaǵazdyń basqalardyń aıaǵynyń astynda taptalyp qalmaýyn oılaǵan tek Qytaı Halyq Respýblıkasynyń Tóraǵasy Hý Tszıntao ǵana bolǵan. Ol óz memleketiniń týy bederlengen qaǵazdy yjdaǵattylyqpen jınastyryp alǵan.
