Qytaı basshysy Hý Tszıntao Kım Chen Irdi Koreıanyń Eńbek partııasynyń Bas hatshysy qyzmetine saılanýymen quttyqtady
BEIJІŃ. Qyrkúıektiń 29-y. QazAqparat /Rýslan Súleımenov/ - Qytaı Kommýnıstik partııasy Ortalyq komıtetiniń Bas hatshysy Hý Tszıntao Soltústik Koreıa basshysy Kım Chen Irdi Koreıanyń Eńbek partııasynyń Bas hatshysy qyzmetine saılanýymen quttyqtap, jedelhat joldady.
Jedelhat mátininde, Qytaı men Koreıa Halyq Demokratııalyq Respýblıkasyn dástúrli dostyqtyń tyǵyz qarym-qatynasy, aýmaqtyq kórshilik jáne aýqymdy ózara múddeler baılanystyryp otyrǵany atap kórsetilgen. Soltústik Koreıamen dostyqty jáne yntymaqtastyqty damytý, nyǵaıtý Qytaı partııasy men úkimetiniń myzǵymas baǵyty bolyp tabylady.
Halyqaralyq jaǵdaıdaǵy barlyq ózgeristerge qaramastan, biz, strategııalyq jáne uzaqmerzimdik perspektıvalar turǵysynan halyqaralyq baılanystardy qorǵaıtyn jáne damytatyn bolamyz. Biz soltústikoreılik tarappen birlese otyryp Qytaı men Koreıa Halyq Demokratııalyq Respýblıkasynyń qarym-qatynasyn eki el halyqtarynyń ıgiligi úshin jańa deńgeıge kóterýdi, uzaqmerzimdik beıbitshilikke qol jetkizýge qomaqtyraq úles qosýdy, aımaqta birlesip gúldenýdi qalaımyz, delingen Qytaı basshysynyń hatynda.
