Qytaı basshylyǵy kovıdti jeńgenin jarııalady

BEIJІŃ. QazAqparat - Búgin Qytaı Kommýnıstik partııasy Ortalyq komıteti Saıası bıýrosynyń Turaqty komıtetiniń otyrysy ótip, onda Qytaıdyń ótken jyldyń qarasha aıynan beri COVID-19 ınfektsııasynyń aldyn alý jáne baqylaý salasynda iri jáne sheshýshi jeńiske jetkeni atap ótildi. Bul týraly QazAqparat «Sınhýa» agenttigine silteme jasap habarlaıdy.

«Qytaı basshylyǵy koronavırýspen kúreste «úlken jáne sheshýshi jeńiske jetkenin» jarııalady. 17 aqpan, juma kúni QKP OK Saıası bıýrosynyń Turaqty komıtetiniń otyrysynan keıin jarııalanǵan málimdemede Qytaı qarasha aıynan bastap salystyrmaly túrde qysqa merzimde pandemııadan qalypty ómirge «minsiz kóshkenin» málimdedi. Tájirıbe OK-niń pandemııaǵa qatysty jaǵdaıdy baǵalaýda durys sheshimder men strategııalyq túzetýler qabyldaǵanyn dáleldedi«, - delingen qujatta.

Jıyn QHR tóraǵasy Sı Tszınpınniń tóraǵalyǵymen ótti.

Qytaı memlekettik BAQ-tyń habarlaýynsha, koronavırýs pandemııasy kezinde elde 200 mln-nan astam aýrý juqtyrǵan adamǵa medıtsınalyq kómek kórsetildi, 800 myńǵa jýyq aýyr naýqas emdeldi, bul rette «Qytaıda COVID-19 vırýsynan ólim deńgeıi álem boıynsha eń tómen boldy».

«Qytaı adamzat tarıhynda ǵajaıyp jasady», - dep habarlaıdy Sınhýa agenttigi.

Sondaı-aq agenttik Qytaıdaǵy jaǵdaı jaqsaryp, vırýs álemniń basqa bólikterinde taralyp, mýtatsııalanýyn jalǵastyrýyn atap ótti.

Jeltoqsan aıynyń basynda QHR úkimeti lokdaýn, májbúrli karantın jáne halyqty jappaı testileý arqyly koronavırýsqa qatań nóldik tózimdilik saıasatyn alyp tastady. Qoǵamdyq densaýlyq saqtaý sheneýnikteriniń baǵalaýynsha, sodan beri bir mıllıardtan astam adam vırýs juqtyrǵan.

Ólim týraly derekter endi jarııalanbaýda.

Deutsche Welle agenttiginiń habarlaýynsha, resmı málimetter boıynsha, jeltoqsannyń basynan aqpannyń basyna deıin aýrýhanalarda tek 83 150 ólim jaǵdaıy tirkelgen.

Buǵan deıin Qytaıda koronavırýs juqtyrǵan naýqastardy ortalyqtandyrylǵan oqshaýlaý joıylǵany habarlanǵan bolatyn. 2023 jyldyń 8 qańtarynan bastap Qytaıǵa keletin adamdar úshin COVID-19 boıynsha mindetti karantın talaby joıylǵan. Sodan keıin Qytaı Qazaqstanmen shekaradaǵy karantındik shekteýdi alyp tastady. COVID-19 shekteýleri alynǵan soń Qytaıǵa kiretin adamdar sany 50%-ǵa ósti.

Jeltoqsan aıynda koronavırýsqa qarsy shekteýler jeńildetilgennen beri Qytaı alǵash ret kovıdten qaıtys bolǵan adamdar sany týraly derekter jarııalap, bir aıda 60 myńǵa jýyq ólim jaǵdaıy týraly habarlady. DDSU Qytaıdy COVID-19 indeti týraly jańa derekterdi jarııalaýǵa shaqyrdy.

Foto: AR