Qytaı basqynshylyq pen ekspansııaǵa umtylmaıdy - Sı Tszınpın
ASTANA. QazAqparat - Sı Tszınpın Qytaıdyń basqynshylyq pen ekspansııaǵa talpynbaıtyndyǵyn málim etti, dep habarlaıdy Sınhýa.
Ol bul týraly Qytaı halyq azattyq armııasy qurylýyna 90 jyl tolýyna oraı ótken saltanatty jıynda aıtty.
«Qytaı halqy beıbitshilikti qalaıdy. Biz basqynshylyq pen ekspansııaǵa jol bermeımiz, alaıda kez-kelgen basyp alýshyny jeńetinimizge senimdimiz», - dedi Sı Tszınpın.
Qytaı halqy eshqashan, eshbir halyqtyń, uıym nemese saıası partııanyń Qytaı terrıtorııasynyń qandaı da bir bóligin bólip alýyna jol bermeıdi dep atap ótti memleket basshysy.
Onyń aıtýynsha, Qytaı halqy eldiń qarýly kúshteri aıasyndaǵy Qytaı kommýnıstik partııasy basshylyǵynyń ózgermeıtin ustanymdaryn buljytpaı oryndap, ulttyq armııanyń partııa izimen júrýin qamtamasyz etýi tıis.
