Qytaı Barak Obamadan Dalaı-lamamen kezdespeýdi ótinýde
ASTANA. Aqpannyń 2-si. QazAqparat - Qytaı, Barak Obama aǵymdaǵy aıda AQSh-qa saparmen baratyn tıbet býddashylarynyń kósemi Dalaı-lamamen kezdespeıdi dep úmittenýde.
Bul týraly Qytaı Kompartııasy Ortalyq komıtetiniń ókili Chjý Veıtsıýn málim etti. Resmı Beıjiń Dalaı-lamany «Tıbetti Qytaıdan bólýge» degen separatıstik áreketteri úshin aıyptaýda.
«Eger amerıka basshysy Dalaı-lamamen kezdesý týraly sheshim qabyldasa, bul áreket bizdiń elderimizdiń arasyndaǵy yntymaqtastyqty jáne ózara senimdi buzady», dep atap kórsetti sheneýnik óz málimdemesinde.
Tıbet aspanasty eliniń quramyna HІІІ ǵasyrda qosylǵan. Keıinnen, Qytaı Halyq Respýblıkasy qurylǵannan keıin 1949 jyly Beıjiń men Lahasa «Tıbetti beıbit jolmen azat etý týraly kelisimge» qol qoıyp, soǵan sáıkes aımaq kommýnıstik Qytaıdyń quramyna avtonomııalyq ólke retinde kirgen bolatyn. 1959 jyly Tıbette tóńkeris bolyp, ol qatań janshyldy. Tıbet ókimeti taratyldy da, XIV Dalaı-lama (Tenzın Gıatso) Úndistanǵa qashyp, «qýǵyndaǵy tıbet úkimetine» basshylyq etti.
