Qytaı azamaty Reseıden adamshóp pen aıý azýyn zańsyz ótkizbek boldy
ASTANA. QazAqparat - Qytaı azamaty Reseıden QHR-ǵa jalpy quny shamamen 1,5 mıllıon rýbldi quraıtyn adamshóp tamyrlary men aıýdyń azý tisterin aıaǵyna skotchpen baılap, zańsyz ótkizbek boldy.
Bul týraly Reseı FQQ-niń Prımore ólkesi boıynsha Shekara basqarmasynan habarlaıdy.
«Poltavka» shekarasy arqyly ótkizý beketinde halyqaralyq baǵdarly avtobýsty resimdeý kezinde QHR azamaty Hýeısıannan Reseıden shyǵarýǵa tyıym salynǵan derıvattar tabyldy. Kontrabandalyq taýar paketke salynyp, aıaqqa skotchpen baılanǵan.
Ustalǵan azamat osyndaı qýlyq ádispen shekara arqyly jalpy salmaǵy 540 gramm bolǵan adamshóptiń 41 tamyry men salmaǵy 46 gramm aıýdyń eki azý tisin ótkizbek bolǵan», - delingen habarlamada.
Alynǵan júkti sarapshylar 1, 481 mıllıon rýblge baǵalady.
