Qytaı azamaty óz atyn jazýdy 100-ge kelgende úırendi
ASTANA. QazAqparat - Qytaı eliniń 100 jastaǵy azamaty óz atyn jazýdy endi úırenipti. Djao Shýndjın esimdi qart Qytaıdyń shyǵysyndaǵy Hanchjoý qalasynda turady, dep jazady massaget.kz.
Djaonyń 70 jastaǵy balasy Lýo Ronshengtiń aıtýynsha, anasy osydan bir aı buryn oqý men jazýdy úırengisi keletinin aıtqan eken. Sodan keıin ol 10 kúndik sabaq alyp, 100-den asa Qytaı tilindegi tańbalardy úırengen. Jasy júzge kelgen shákirt sabaqqa kúnine eki saǵat jumsaıdy eken.
«Meniń anam eshqashan mektepke barǵan emes. Jasy kelse de bilimge qumartýy bizdi qýantady», - deıdi Lýo.
Oqý baǵdarlamasy bastalmas buryn Lýo Djaoǵa óz atyn jazýdy úıretken.
«Men sózdiń tańbalary jaqsy kórinýi úshin onyń atyn markermen jazdym. Sosyn anam óz atyn bir saǵat otyryp jazdy», - deıdi Lýo Ronsheng.
Ómir boıy kókónis satýmen aınalysqan Djao 1950 jyldary ýnıversıtetke túskeni týraly qaǵaz alady. Biraq oqı almaǵandyqtan, onda ne jazylǵanyn bile almaı dal bolǵan. Keıin ózi turǵan aýyldaǵy hat tanıtyn sanaýly kisilerdiń kómegine júgingen eken.
Ol búginde saýatsyzdyqtan sharshaǵanyn únemi aıtyp otyrady. Sol úshin de óz balalarynyń oqýyna basa kóńil bólgen eken.
