Qytaı azamaty Qazaqstannan avtobólshekterdi zańsyz áketýge tyrysty
ASTANA. QazAqparat - Qytaı azamaty Qazaqstannan avtobólshekterdi zańsyz áketýge tyrysty, habarlady QR UQK Shekara qyzmetiniń baspasóz qyzmeti.
«Elimizdiń shyǵysyndaǵy qazaq-qytaı shekarasynda ornalasqan «Qorǵas» baqylaý-ótkizý beketiniń shekarashylary bizdiń elimizden kórshi elge salmaǵy jarty tonnadan astam taýardy zańsyz jolmen alyp ótýge árekettengen Qytaı azamatyn ustady», - delingen habarlamada. .
Onyń avtomashınasyn shekaralyq qaraý kezinde qajetti qujatsyz kele jatqan 699 kılogramm zat anyqtaldy. Onyń ishinde, 303 kg - avtomobıldiń qosalqy bólshekteri, 396 kg. - halyq tutynatyn taýarlar, jáne basqa da zattar bolǵan.
Atalǵan derek boıynsha quqyq qorǵaý organdary habarlandyryldy.
