Qytaı aılaǵynan 100-inshi áýe kemesi ushyryldy
ASTANA. QazAqparat - Keshe Tszıýtsıýan ǵarysh aılaǵynan (Soltústik-Batys Qytaı) júzinshi áýe kemesi ushyryldy, dep habarlaıdy Sınhýa.
«Chanchjen-11» zymyran-tasyǵyshtyń kómegimen belgilengen orbıtaǵa «Tszılın-1» spýtnıktik jobasy aıasynda 07 jáne 08 vıdeotúsirilim úshin eki spýtnık sátti ushyryldy.
Tszıýtsıýan ǵarysh ushyrylym ortalyǵynyń irgesi 1958 jyly qazanda qalanǵan. Ol QHR-da alǵash salynǵan keshendi ǵarysh aılaǵy jáne basqarylatyn áýe kemelerine arnalǵan jalǵyz alań.
Ortalyqtyń dırektory Chjan Chjıfenniń aıtýynsha, 1970 jyldan bastap ǵarysh aılaǵynan «Shenchjoý» úlgisindegi 11 ǵarysh kemesi, 1 maqsattyq KLA, 1 ǵarysh zerthanasy jáne 131 spýtnık ushyrylǵan. Tszıýtsıýan ǵarysh aılaǵynyń starttyq alańynan Qytaıdyń ǵaryshkerlik tarıhyndaǵy 20-dan astam mańyzdy ushyrylym jasalǵan. Onyń ishinde Jerdiń alǵashqy jasandy serigi, qashyqtan basqarylatyn alǵashqy zymyran-tasyǵysh jáne t.b. bar.
Belgili bolǵandaı, bıyl atalmysh ortalyq 20-dan astam ǵaryshtyq serikterdi ushyrmaqshy.
