Qytaı Áıelderdiń jahandyq sammıtine qatysýshy eldermen yntymaqtasýǵa ázir - Sı Tszınpın
BEIJІŃ. Mamyrdyń 21-i. QazAqparat /Rýslan Sýleımenov/ - Qytaı Áıelderdiń jahandyq sammıtine qatysýshy eldermen yntymaqtasýǵa, áıelder qozǵalysynyń nátıjelerimen almasýǵa jáne adamzattyń damý isine áli de aıtýly úlester qosýǵa ázir.
Bul týraly beısenbi kúni Beıjińde Qytaı Halyq Respýblıkasy Tóraǵasynyń orynbasary Sı Tszınpın Áıelderdiń jahandyq sammıtine qatysýǵa kelgen sheteldik saıası qaıratkerlermen bolǵan kezdesýde málim etti.
Sı Tszınpın delegattardy Qytaı úkimetiniń atynan quttyqtap, sońǵy 20 jyl boıyna áıelderdi qoldaý isinde mańyzdy rol atqaryp kele jatqan sammıtke joǵary baǵa berdi.
Sı Tszınpınniń aıtýynsha, Qytaı úkimeti áıelderdiń jumysyna úlken nazar aýdaryp, bul máseleni memlekettiń damý baǵdarlamasyna birtindep qosyp keledi.
Al Vetnam vıtse-prezıdenti Ngýen Thı Doan sammıtke qatysýshy delegattardyń atynan Qytaı tarabyna sammıtke ótkizýge jasap otyrǵan jaǵdaılar úshin alǵys bildirdi jáne sammıttiń aldaǵy ýaqytta da dúnıejúzilik áıelder isin damytýǵa qoldaý bola beretindigine senim bildirdi.
Áıelderdiń jahandyq sammıtine Eńbek jáne halyqty áleýmettik qorǵaý mınıstri Gúlshara Ábdihalyqova bastaǵan qazaqstandyq delegatsııa da qatysty.
