Qytaı aýrýhanalary kovıd juqtyrǵandar aǵynyna tótep bere almaı jatyr

ASTANA. QazAqparat - Qytaıdyń Densaýlyq saqtaý júıesi koronavırýs juqtyrǵan naýqastardyń aǵynyn eńsere almaı jatyr. Aýrýhanalarda oryn joq, dárigerlerge keıde naýqastarǵa kólikte otyryp ekpe salýǵa týra keledi, dep habarlaıdy QazAqparat Euronews-ke silteme jasap.

Jeltoqsan aıynyń basynda Qytaı bıligi sońǵy onjyldyqta bolǵan eń úlken narazylyq tolqynynan keıin úshjyldyq «nóldik kovıd» saıasatynan bas tartty.

Mundaı sharalar el turǵyndarynyń tabıǵı ımmýnıtetin qalyptastyrýǵa múmkindik bermedi.

Al Qytaıda jasalǵan vaktsınalar COVID-19 mýtatsııalanǵan nusqalarymen kúresýde batys vaktsınalaryna qaraǵanda tıimdiligi tómen bolyp shyqty.

Bloomberg agenttiginiń málimetinshe, tek 20 jeltoqsanda bir kúnde 37 mıllıon qytaılyq koronavırýs juqtyrǵan.

Al táýelsiz sarapshylar kún saıyn shamamen mıllıon adam vırýs juqtyratynyn habarlasa, resmı Beıjiń aıdyń basynan bastap úsh myń jaǵdaı tirkelgenin aıtady.

Foto: AP Photo