Qytaı aýmaǵynda jol júrýge ruqsat endi ótkizý pýnkterinde onlaın beriledi

ASTANA. QazAqparat – Qazaqstandyq tasymaldaýshylar memlekettik shekaradan ótý kezinde «sheteldik ruqsat blankisin» nemese «ruqsat berý» dep atalatyn rásimdeýge múmkindik aldy. Bul joba pılottyq rejımde 2024 jyldyń naýryzyna deıin jáne tek Qytaıǵa tasymaldaýǵa qatysty bastaldy, dep habarlaıdy QazAqparat Memlekettik kirister komıtetiniń baspasóz qyzmetine silteme jasap.

Osy qujattardy berý boıynsha «CarGoAlem» elektrondyq servısi Qoldau tsıfrlyq platformasynda 26 sáýirde iske qosyldy. Buǵan deıin Qoldau platformasynda «CarGoRuqsat» elektrondy kezek servısi ornalastyrylǵan bolatyn. Onymen birge, jańa servıs tasymaldaýshylarǵa qarjylyq jáne ýaqytsha resýrstardy únemdeýge múmkindik beredi. Eger buryn kompanııalar mundaı blankilerdi aldyn ala alsa, qazir «CarGoRuqsat»-ta elektrondy kezekti buryn ıelengender jáne memlekettik shekaradan ótý kezinde tikeleı ruqsat alady. Bul rette, shekaradan ótýge arnalǵan brondy rásimdeý satysynda ótinish berýshiniń derekteri onlaın rejımde memlekettik organdar tarapynan formatty-logıkalyq baqylaýdan ótedi.

Bul – Indýstrııa jáne ınfraqurylymdyq damý mınıstrliginiń Kólik komıteti men Qarjy mınıstrliginiń Memlekettik kirister komıtetiniń birlesken jobasy. Servısti ázirleýshi – «Aqparattyq esepteý ortalyǵy» AQ. Kompanııa sonymen qatar, Qoldau tsıfrlyq platformasynyń ázirleýshisi jáne ıesi. Osy is-sharalarǵa memlekettik bıýdjetten qarjy bólinbegen.

Bul rette ruqsat berý júıesin qoldaný qaǵıdalarynyń 25-tarmaǵynyń talaptaryna sáıkes (QR IDM 27.03.2015 jylǵy №353 buıryǵy) alynǵan jáne paıdalanylǵan sheteldik ruqsattar tasymaldaýshynyń tirkelgen jeri boıynsha kóliktik baqylaý ınspektsııasyna qaıtarylýǵa jatady.