Qytaı aýmaǵynda shaıdy 6 myń jyl buryn ósire bastaǵan
ASTANA. QazAqparat - Qytaıda shaı tarıhy buryn paıymdalyp júrgennen góri edáýir ertede bastalǵan, dep habarlady TASS.
«Chaına deılı» gazetiniń habarlaýynsha, jergilikti ǵalymdardyń sońǵy ashylymdary qazirgi QHR aýmaǵynda shaı butalaryn ósirý keminde 6 myń jyl buryn bastalǵanyn dáleldeıdi.
Chjetszıan mádenı qundylyqtar men arheologııa zertteý ortalyǵynyń mamandary Nınbo qalalyq okrýgindegi (Chjetszıan provıntsııasy, Shyǵys Qytaı) Tıanlo taýy mańyndaǵy Hemýdý neolıt mádenıeti qazbalaryn taldaı kelip, osyndaı qorytyndyǵa keldi. Ǵalymdardyń nazaryn 6 myń jyl bolǵan dep baǵalanǵan shaı butasynyń tamyrlary ózderine aýdarǵan.
«Tamyrlar tóńiregindegi topyraqta aýyl sharýashylyǵy óńdeý jumystarynyń izi saqtalǵan. Bul ósimdiktiń ózi tabıǵı túrde óspegenin, adamdar qolymen otyrǵyzylǵanyn baıqatady», - dep atap ótedi arheolog Sýn Gopın.
Qytaı aýyl sharýashylyǵy ǵylymdary akademııasynyń Shaıdy zertteý ınstıtýtynyń burynǵy dırektory ıAen Tsıkýnniń pikirinshe, qazý jumystary kezinde tabylǵan keramıkalyq buıymdar ejelgi adamdardyń shaı qaınatýdy bilgenin kórsetedi. «Arheologtar sháınekke uqsas zatty taýyp aldy. Onyń tutqasy men shúmegi bar», - dep áńgimeledi ol. Buǵan deıin tarıhshylar shaıdy tutyný budan 3 myń jyl buryn bastaldy, degen pikirde bolyp kelgen edi.
