Qytaı aýmaǵynda bir kúnde eki márte jer silkindi

NUR-SULTAN. QazAqparat - QR Tótenshe jaǵdaılar mınıstrligine qarasty «STÁK» JShS-nyń seısmıkalyq stansalar jelisi 16 qyrkúıek kúni Almaty ýaqytymen saǵat 15:38-de jer silkinisin tirkedi, dep habarlaıdy QazAqparat.

«Zilzalanyń oshaǵy Almatydan ońtústik-shyǵysqa qaraı 348 km qashyqtyqta Qytaı aýmaǵynda jatyr. Jer silkinisiniń energetıkalyq klasy 9.6. Magnıtýdasy 4.0 MPV. Baǵyty 42.19° soltústik endikte, 80.93° shyǵys boılyqta jatyr. Tereńdigi 10 km. Sezilýi týraly málimet joq»,-delingen kezekshi operatordyń habarlamasynda.

Búgin qazaqstandyq seısmologtar Qytaıaýmaǵynda Almaty ýaqyty boıynsha saǵat 09:54-te jer silkinisin tirkedi.